રેડિયો દિવસ

ભૂતકાળની યાદોમાં મીઠું સ્મિત મલકાવતો રેડિયો,

અટપટી દુનિયાની ચટપટી વાતો સંભળાવતો રેડિયો..

ચટાકા લેતી જીભને કરારી વાનગીનો સ્વાદ ચખાડતો રેડિયો,

આખા દિવસના થાકને જોકસથી હાસ્યમાં ફેરવતો રેડિયો..

સાંજ પડતા ગીતોની રમઝટ જમાવી પરિવારને એકસાથે બેસાડતો રેડિયો,

દેશ વિદેશની ખબર ઘેર ઘેર પહોંચાડી લોકોને અપડેટ રાખતો રેડિયો..

પ્રેમમાં પાગલ બનેલી યુવા પેઢીને પ્રેમની સાચી પરિભાષા સમજાવતો રેડિયો,

એકલતાના ખાલીપાને સંગાથની અનુભૂતિ કરાવતો રેડિયો..

શોરબકોર ભરી જિંદગીમાં બે પળ નિરાંતની આપતો રેડિયો,

ટેકનોલોજીના આ અદ્યતન યુગમાં હજુ કયાંક સચવાયેલો છે રેડિયો..

વિશ્વ રેડિયો દિવસ

-Pin.S