વિચારોની વસાહત

કલમ હરખાય ત્યાં કવિતાનો રંગ પૂરાય,
મારા મનની યાદોમાં તું હંમેશા મલકાય…

બાળપણ માણ્યાનો હરખ હજુ પણ અનુભવાય,
જયારે આપણા નિસ્વાર્થ પ્રેમની હેલી છવાય…

જીવનના દરેક તબક્કે લાગણીની હૂંફ વરતાય,
જયારે તારો હાથ મારા માથે હળવેથી ફેરવાય…

ભાઈ તરીકે તું મળ્યોને હૈયે આનંદ છવાય,
તેથી ઈશ્વરનો આભાર શબ્દોમાં કેમ કરી વર્ણવાય…

જન્મદિવસની શુભેચ્છાઓ……..

લાગણીને ભટકવું હતું, પ્રેમને છલકવુ હતું,…
આંખોના ઈશારે તમારા સ્નેહમાં ભીંજાઇ મારે તમારા હૃદયમાં વસવુ હતું…

સમયને વહેવુ હતું, ક્ષણને થોભવુ હતું,…
તમે મળ્યા જે પળે એ પળમાં જ મારે વારંવાર જીવવુ હતું…

ફુલને ખીલવુ હતું, સુગંધને વિહરવુ હતું,…
તારા સંગાથે મારે જીવનનુ ઉપવન જોવું હતું…

-Pin.S

સંબંધમાં સંવાદનુ જોડાણ ન હોય તો શું !
મૌનમાં પણ લાગણી વર્ણવી શકે તો સારું …..

ભીતરના ઘોંઘાટને શાંતિ ન મળે તો શું !
સંવેદનાની હેલીમાં થોડા ભીંજાઇ શકે તો સારું….
– Pin.S